The Celtic Literature Collective

Ynenu domni
Llyfr Du Caerfyrddin XII

Ynenu domni meu y. voli. maur y uolaud.
Molawe douit. maur y kinnit ar y cardaud.
Duu anamuc. Duu angoruc. Duu anguaraud.
Duu angobeith. teilug pirfeith. tec y purfaud.
Duu andyli. Duu issi vry. vrenhin trindaud.
Duu abroued iny truyted in y trallaud.
Duu a dyfu. oe garcharu gan vuildaud.
Guledic deduit an gunel inrit erbin dit braud.
An duch ir gulet iry varet. ae. werindaud.
Ym paraduis. impur kynnuis rac puis pechaud.
Angunel iechid iry penid ae pimp dirnaud.
Dolur eghirith. Duu andiffirch ban kyinirth cnaud.
Din a collei bei nasprinhei diuei devaud.
Or croc crevled y deuth guared ir vedissyaud.
Kadarn bugeil Crist nid adweil. y teilygdaud.