Trioedd
Red Book of Hergest col.588-598
Tri dynyon a gawssant gampeu adaf.
Tri dyn a gauas kedernit adaf. Ercwlf gadarn. ac ector gadar. a sompson gadarn. kyngadarnet oedynt ylltri. ac adaf e hun. Tri dyn a gauaspryt adaf. absolon ab dayd. a Iason uab eson. a pharis uab priaf. kyndecket oedynt ylltri ac adaf ehun. Tri dyn a gauas doethineb adaf. Cado hen a bed. a sibli doeth. kyndoethet oedynt ell tri ac adaf e hun. Teir gwraged a gauas pryt eua yn tri thraean. diadema gordrch eneas yscwydwyn. ac elen uannawc y wreic y bu distrywedigaeth tro drwy y phenn. a pholixena uerch priaf hen vrenhin tro..
Porth a aeth y gan yrp luydawc hyt yn llchlyn. ar gwr hwnnw a deoth yman ynoes gadyal y byry y erchi dygysuor or ynys honn. ac ny doeth gantaw namyn ef a mathuthauar y was. ac ys ef a archei o dec prifgaer arhugeint yssyd yn yr ynys honn. deu kymmeint a elei ganthaw y bob un o nadunt ydyuot ganthaw o honunt ymeith. ac y bu ardustur gan wyr yr ynys honn htnny. ac y rodassant idaw. a hwnnw uu lwyraf llu or a aeth or ynys honn. Ac ef a oresgynnawd argwyr hynny y fford y kerdawd. ac ys ef lle y trigyawd y gwyr hynny yn y dwy ynys ynymyl mor groec. Nyt amgen. clas ac auena ar eil aaeth gan elen luydawc. a maxen wledic hyt ynllychlyn. ac ny doethant byth yr ynys honn. ar trydyd aaeth gan gasswallawn uab beli. a gwennwynwyn. a gwanar. veibon lliaw uab nwyfre. ac aryanrot verch veli eu mam. ar gwyr hynny o erch aheled pannanhoedynt. ac a aethant gyt a chasswallawn eu hewythyr ar wysc y kessaryeit or ynys honn. Sef lle ymae y gwyr hynny yggwasgwyn. Sef riuedi a aeth gan bob un onadunt. vn vil ar hugeint. ar rei hynny uu tri aryanllu ynys prydein. Trywyr gwarth a uu ynynys prydein. vn o nadunt. auarwy uab llud, uab beli. ef adyuynnawd Julius a cesar agwyrruuein yr ynys hon yn gyntaf. ac a beris talu teir mil o bunnoed aryant bop blwydyn yn deyrnget or ynys hon y wyr ruuein. o gyryssed achasswallawn y ewythyr. ar eil yw gwrtheyrn gwrtheneu. a rodes tir gyntaf ysaesson yn yr ynys honn. ac a ymydweidiawd yngyntaf ac wynt. ac a beris llad custennin uychan uab custennin uendiget oe vrat a dehol y deu uroder. emrys wledic ac uthur penndradon or ynys hon. hyt y llydaw. a chymryt y goron ar urenhinyaeth oe dwyll yny eidaw ehun. ac yny diwed uthur ac emrys a losgassant wrtheyr. yg kastell gwerthrynyawn alrann gwy unfflam y dial eu braut. Trydyd gwaethaf uu vedrawt pan edewis arthur lyw*odraeth ynys prydein ganthaw pan aeth ynteu drwy vor yn erbyn lles amherawdyr ruuein a anuonassi gennadeu att arthur hyt ygkaer llion y erchi teyrnget idaw or ynys honn. ac y wyr ruuein ar y messur y talpwyt y gatwallawn uab beli hyt yn oes gustennin uendigeit. teit arthur. Sef atteb a rodes arthur y gennadeu yr amherawdyr. nat oed well ydylyei wyr ruuein deyrnget y wyr ynys prydein. noc y dylyei weyr ynys prydein udunt wynteu. Kanys bran uab dyuynawl. a chustennin uab elen. a uuassynt amherodron yn ruuein. a deu wr or ynys honn oedynt. Ac yna y lluydawd arthur gordetholwyr y gyuoeth drwy uor yn erbyn yr amherawdyr. ac y kyuaruuant ytu hwnt yuynyd mynneu. ac aneirif o naudunt o bop parth a las y dyd hwnnw. Ac yn y diwed y kyuaruu arthur ar amherawdyr. ac arthur ae lladawd. ac yno y llas goreugwyr arthur. a phan gigleu vedrawt gwahanu niuer arthur. yd ymchoelawd ynteu ynerbyn arthur. ac y duunawd saesson a ffichteit. ac yscottyeit. ac ef y gadw yr ynys honn rac arthur. a phangigleu arthur hynny yd ymchoelawd dracheuyn. ac a dihengis gantaw oe niuer. Ac y dreis y ar vedrawt y kauas dyuot y dir yr ynys honn. Ac yna y bu weith camlan y rwng arthur a medrawt. ac y lladawd arthur uedrawt. ac y brathwyt arthur yn angheuawl. aco hynny y bu uarw. ac y mywn plas yn ynys auallach y cladwyt.
Dechreu y trioed yw y rei hynn.
Tri gorchuel garcharawr ynys prydein. llyr lledyeith. a geir uab geiryoed. ac un oed oruchelawr nor tri. ef auu deirnos ygkarchar hut a dan lech echymeint. sef oed hwnnw arthur. ac un gwas ae gellyngawd or tri charchar hynny. nyt amgen goreu uab custennin y geuynderw. Tri gwyn deryn ynys prydein. owein uab uryen. a run * uab maelgwn. aruawn pebyr uab dorarth wledic. Tri oeru uard ynys prydein. arthur. araawt eil morgant. a chatwallawn uab katuan. Tri matkud ynys prydein. penn bendigeituran uab llyr a guduwyt yn y gwynuryn yn llundein. ae wyneb ar ffreinc. a hyt tra uu yn yr ansawd y dodet yno. ny doei ormes saesson byth yr ynys honn. Yr eil amatkud. Y dreigeu yn ninas emreis a gudyawd llud uab beli. ar trydyd esgyrn gwertheuyr uendigeit. ym prif pyrth yr ynys honn. a hyt tra vydynt yn yr yny kud hwnnw. ny doei ores o saesson buth yr ynys honn.
a