The Celtic Literature Collective

Marwnat Erof
Llyfr Taliesin XL

Ymchoeles eluyd
val nos yn dyd
odyfot clot ryd
ercwlff pen bedyd.
Ercwlff adywedei.
agheu nas riuei.
yscwydawr ymordei
arnaw atorrei.
Ercwlf sywessyd
ermin lloer egyd.
Pedeir colofneu kyhyt
rudeur areu hyt.
Colofneu ercwlf
nys arueid bygwl.
Bygwl nys beidei.
Gwres heul nys gadei.
Nyt yd aeth neb is nef
hyt yd aeth ef.
Ercwlf mur ffossawt.
As am dut tywawt.
As rodwy trindaw
trugared dydbrawt
yn vndawt heb eisseu.


Back to Llyfr Taliesin